ფეისბუკი

კომპიუტერის მომხმარებელთა სოციალური ქსელი. ფართოდ გამოიყენება ინფორმაციის გასავრცელებლად. ინფორმაციის გამცემი ათავსებს ინფორმაციას - როგორც ვერბალურს, ასევე ვიზუალურს (ფოტოები, ვიდეო) ან აუდიოს (მუსიკალური ჩანაწერები) - ფეისბუკზე, ადამიანთა გარკვეული წრისათვის მას ხელმისაწვდომს ხდის და განთავსებულ ინფორმაციაზე ვერბალურ უკუკავშირს, ანუ რეაქციას იღებს. ამ ინფორმაციის გაცნობა ქსელის ნებისმიერ წევრს და ამ წევრთა ქსელების ყველა მონაწილეს შეუძლია. სოციალური ქსელების გამოყენება ნაცნობთა თუ პროფესიულ ან მომხმარებელთა წრეებში ინფორმაციის გავრცელების ეფექტურ საშუალებას წარმოადგენს.

დღესდღეობით თითქმის ყველა არსებული მსხვილ თუ მცირე ბიზნეს კომპანიების უმეტესობას აქვს ოფიციალური ვებ გვერდი, რაც ხელს უწყობს ინფორმაციის სწრაფ გავრცელებას და ამარტივებს ურთიერთობას მომხმარებელსა და კომპანიას შორის. დღევანდელი ინტერნეტ ურთიერთობების განვითარების ფონზე ეს ქმედება არამხოლოდ პრიორიტეტული, არამედ სავალდებულოც კია. თუმცა კომპანიისა და მისი მომხმარებლისთვის საჭირო ინტერნეტ სივრცე მხოლოდ ვებ გვერდით არ განისაზღვრება. Facebook აპლიკაცია ერთ-ერთი პროგრესული პროგრამული გადაწყვეტილებაა, რომელიც ესაჭიროება კომპანიას როგორც მისი საქმიანობის განსაჯაროებისა და გამარტივებისთვის, ასევე მარკეტინგული განვითრების მიზნითაც. ფეისბუკს მსოფლიოში 1,317 მლნ. აქტიური მომხმარებელი (წყარო), ხოლო საქართველოში გამოცემა The Financial-ის ინფორმაციით,  750 ათასზე მეტი  მომხმარებელი ყავს.

ეს არის შესანიშნავი ინსტრუმენტი თქვენი ბიზნესის განვითარებისთვის და არ აქვს მნიშვნელობა ბიზნესის სიდიდეს; Facebook-ს შეუძლია უზომოდ გაზარდოს თქვენი ონლაინ რეპუტაცია, რაც თავის მხრივ წარმოადგენს შესანიშნავ პლატფორმას თქვენი ბიზნესის გაფართოვებისათვის. „Harvard Business Review“- მ ამასწინათ გამოაქვეყნა კვლევა, რომელის თანახმადაც „Facebook Fan Page“-ი (facebook გვერდი) არის ძალზედ ეფექტური მექანიზმი გაყიდვების ზრდისა და ბრენდის ნდობის მოპოვებისათვის. ბევრი ბიზნესის მეპატრონე მიიჩნევს, რომ თუკი მათ აქვთ ვებსაიტი, „facebook გვერდი“-ის შექმნა და მართვა (დამატებითი დროის ხარჯვა) აღარ არის საჭირო, თუმცა ეს ასე არ არის. „Facebook გვერდი“ არ არის ვებსაიტის შემცვლელი, იგი არის შესანიშნავი შუამავალი კლიენტების ბიზნესთან დასაკავშირებლად, ხოლო ვებსაიტი, როგორც წესი არის მხოლოდ ცალმხრივი კავშირი ბიზნესთან. სინამდვილეში, „facebook გვერდი“-ის მთავარი დანიშნულებაა შედგეს დიალოგი ბიზნესსა და მომხმარებელს შორის.

ჩვენს დროში საკმაოდ ბევრი სოციალური ქსელია, ისევე როგორც სხვა ნებისმიერი სახის პროდუქტი, თუმცა ყოველ მათგანში არსებობს გამორჩეული ბრენდი „ლიდერის“ სტატუსით. Facebook არის სოციალური ქსელი, რომელიც ყველაზე მეტად პოპულარულია საზოგადოებაში, განურჩევლად ასაკობრივი ზღვარისა. სწორედ ამიტომ რეკომენდირებულია აპლიკაციის შექმნა კონკრეტული კომპანიისათვის და მისი განთავსება აღნიშნულ სოციალურ ქსელში.